Еңбек қауіпсіздігі және еңбекті қорғау

Бізде еңбек қауіпсіздігі және еңбекті қорғау бойынша нұсқамадан, оқудан және аттестаттаудан өтуге болады.

Біз сізге және сіздің жұмыскерлеріңізге еңбек қауіпсіздігі және еңбекті қорғау бойынша нұсқамалар мен нұсқаулықтар жүргіземіз, ЕҚжЕҚ бойынша кез келген сұрақтарыңызға жауап береміз.

Еңбекті қорғау дегеніміз не?

Еңбекті қорғау – жұмыс орындарында жұмыскерлердің өмірі мен денсаулығын сақтауға бағытталған құқықтық, әлеуметтік-экономикалық, ұйымдастырушылық, техникалық, санитариялық-гигиеналық, емдеу-профилактикалық іс-шаралардың жиынтығы.

Оқыту мен тексеруді қаншалықты жиі жүргізу керек?

Жұмыскерлерді еңбек қауіпсіздігі және еңбекті қорғау бойынша кезекті оқыту және білімін тексеру жылына кемінде бір рет жүргізіледі — Еңбек қауіпсіздігі және еңбекті қорғау мәселелері бойынша оқытудан, нұсқама беруден және білімін тексеруден өткізу қағидалары мен мерзімдерінің 5-тармағы (ҚР Денсаулық сақтау және әлеуметтік даму министрінің 2015 жылғы 25 желтоқсандағы № 1019 бұйрығы). Оқудан және білімін тексеруден өтпеген жұмыскерлер жұмысқа жіберілмейді.

Еңбек қауіпсіздігі және еңбекті қорғау бойынша оқудан кім өтуі керек?

Басшылар мен еңбек қауіпсіздігін және еңбекті қорғауды қамтамасыз етуге жауапты адамдар оқу ұйымдарында күндізгі немесе қашықтан оқудан өтеді (Қағидалардың 21-тармағы), ал олардың оқуы мен білімін тексеру үш жылда бір рет жүргізіледі (22-тармақ). Дәл осындай мерзімділік ҚР Еңбек кодексінің 182-бабы 2-тармағының 3) тармақшасында бекітілген.

Еңбекті қорғау бойынша құжаттарды әзірлеу

«SOTESC» ЖШС еңбекті қорғау саласында қызметтер көрсетеді, сондай-ақ мыналарды қамтитын құжаттарды әзірлеумен айналысады:

• Кәсіпорын қызметкерлеріне арналған еңбекті қорғау жөніндегі нұсқаулықтар.
• Кіріспе және алғашқы нұсқамаларды өткізу бағдарламалары, өрт қауіпсіздігі бойынша нұсқама бағдарламасы, персоналды ЕҚ бойынша оқыту бағдарламасы
• Еңбекті қорғау бойынша жұмыстарды дайындау жөніндегі ҰС (ұйым стандарттары) немесе ережелер
• Бұйрықтар:
  • электр қауіпсіздігіне, өрт қауіпсіздігіне, еңбекті қорғауға, газ шаруашылығына жауапты адамдарды тағайындау туралы;
  • электротехникалық емес персоналға электр қауіпсіздігі бойынша 1-топты беру туралы;
  • ЕҚ бойынша білімді тексеру комиссияларын тағайындау туралы бұйрық
  • еңбекті қорғау қызметі туралы
• Нұсқамаларды тіркеу журналдары
• Кіріспе нұсқаманы, алғашқы нұсқаманы өткізу бағдарламасы мен нұсқаулығы.
• Ережелер:
  • еңбекті қорғау қызметі туралы
  • ұйымдағы ЕҚБЖ (еңбекті қорғауды басқару жүйесі) туралы;
  • персоналды ЕҚ, өрт қауіпсіздігі және өндірістік санитария бойынша оқыту және білімін тексеру тәртібі туралы
• Тізбелер:
  • тегін берілетін арнайы киімнің, арнайы аяқ киімнің және басқа да ЖҚҚ (жеке қорғану құралдары)
  • жұмыс орнындағы алғашқы нұсқамадан босатылатын қызметкерлердің кәсіптері мен лауазымдары
  • алдын ала және мерзімді медициналық тексеруден өтуге жататын қызметкерлердің;
  • тегін арнайы киім, аяқ киім және басқа да жеке қорғану құралдары берілуге тиіс адамдардың (құралдарды кию мерзімдерін, олардың түрлерін, беру нормаларын көрсете отырып);
  • еңбек жағдайлары бойынша өтемақылар, жеңілдіктер берілуге тиіс адамдардың.

ҚР Әкімшілік құқық бұзушылық туралы кодексінің 94-бабы — жұмыс берушінің өндірістік объектілерді еңбек жағдайлары бойынша аттестаттау талаптарын бұзуы: шағын кәсіпкерлік субъектілері мен коммерциялық емес ұйымдарға 20 АЕК, орта кәсіпкерлікке — 35 АЕК, ірі кәсіпкерлікке — 50 АЕК айыппұл салуға әкеп соғады.

Нормативтік негіз

Қызмет көрсетілетін талаптар. Сілтемелер Қазақстан Республикасы Әділет министрлігінің «Әділет» ақпараттық-құқықтық жүйесіне апарады.

• Қазақстан Республикасының 2015 жылғы 23 қарашадағы № 414-V Еңбек кодексі
• Еңбек қауіпсіздігі және еңбекті қорғау мәселелері бойынша оқытудан, нұсқама беруден және білімін тексеруден өткізу қағидалары мен мерзімдері (ҚР Денсаулық сақтау және әлеуметтік даму министрінің 2015 жылғы 25 желтоқсандағы № 1019 бұйрығы)
• Өндірістік объектілерді еңбек жағдайлары бойынша міндетті мерзімдік аттестаттау қағидалары (ҚР Денсаулық сақтау және әлеуметтік даму министрінің 2015 жылғы 28 желтоқсандағы № 1057 бұйрығы)